Европага қочоқлар ниқоби остида ИШИД террорчилик гуруҳининг 17 нафар аъзоси кириб олган. Бундай ахборотни Германия махсус хизматлари қўлга киритган, деб ёзади «Ведомости» Германия контрразведкаси раҳбари Ганс-Георг Маасенга таяниб.
«17 киши ИШИД топшириғига биноан етиб келгани ҳақида ишончли далиллар мавжуд», — деди Маасен. Унинг аниқлик киритишича, уларнинг кўпчилиги ўлдирилган ёки ҳибсда сақланмоқда. Шуларнинг икки нафари Париждаги 2015 йил ноябрь терактлари вақтида йўқ қилинган.
Контрразведка раҳбари тахминига кўра, ИШИД Европага кўчиб бориш учун қочоқлар каби анъанавий йўллардан фойдаланишга эҳтиёжманд эмас, аммо ушбу ҳолатда «гап имкониятларни кўз-кўз қилиш ҳақида бормоқда».
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)