Республикачилар партиясидан АҚШ президентлигига номзод Дональд Трамп сайловолди пойгасидаги рақиби, Демократлар партияси номзоди Ҳиллари Клинтондан сайловчилар қўллаб-қувватлаши борасидаги ортда қолишини қисқартирди. Ipsos халқаро социология маркази Reuters агентлиги билан ҳамкорликда ўтказган умуммиллий сўров натижалари шундан далолат бермоқда, дея хабар беради «ТАСС».
Олинган маълумотларга кўра, Трамп учун сўровда қатнашганларнинг 34,5 фоизи овоз беришга тайёр. Клинтонни эса респондентларнинг 43,9 фоизи қўллаб-қувватламоқда. Сўралганларнинг 21,6 фоизи бу борада ҳали бир тўхтамга келиб улгурмаган.
Шу тариқа, икки номзод ўртасидаги фарқ 9,4 фоизни ташкил этмоқда. Бир ҳафта аввал бу кўрсаткич 11,2 фоиздан иборат эди.
Изоҳ (0)