Россияда Туркияга турлар сотилиши, чартер рейслар амалга оширилишига ўрнатилган чекловларни бекор қилинганидан бир сутка ўтиб, 1 июль куни мазкур мамлакат туроператорлар таклифларини жамловчи «Яндекс. Путешествия» сервисида фойдаланувчилар сўрови бўйича энг оммавий йўналишга айланди. Бу ҳақда «РБК» хабар бермоқда.
«Уч кун — 29 июндан 1 июлгача Туркияга турлар бўйича сўровлар сони тўрт баробарга ортди. Шу билан бирга, Қрим ва Сочи каби йўналишлар россияликларни уч маротаба кам қизиқтира бошлади», — дея маълум қилган сервис вакиллари.
Маълумот учун, Туркияга икки киши учун бир ҳафталик турлар 40 минг рублдан бошлаб сотилмоқда. Бу Қрим (35 минг рубль) ва Сочидан (37 минг рубль) кўра бирмунча қимматроқ.
Изоҳ (0)