ИШИД гуруҳини тузганларнинг асосий мақсади Эронни йўқ қилиш эди. Бу ҳақда 25 июнь, шанба куни Эрон диний етакчиси оятуллоҳ Али Хоманаий маълум қилди, деб хабар беради «ТАСС».
«ИШИД асосий вазифа — Эронни забт этиш ва йўқ қилиш учун яратилган. Ироқ ва Шом (Суриянинг қадимий номи) мазкур мақсадга эришиш учун тайёргарлик босқичи бўлган, холос. Бироқ бу урушда Эрон душманлари мағлубиятга учрайди, чунки улар Ислом Республикаси эга бўлган қудратга етарлича баҳо бермаяпти. Мамлакатимиз уни таслим этмоқчи бўлганларнинг ўзини тиз чўктиради», — таъкидлади Хоманаий Теҳрондаги чиқиши чоғида.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)