Ироқдаги Ал-Фаллужа шаҳри ИШИД жангарилари қўлидан бутунлай озод этилди. Бу ҳақда Ироқ армиясининг террорга қарши кураш бўлинмаси раҳбари Абдулваҳоб ас-Саъдий баёнот берди, деб ёзмоқда «РБК».
Ас-Саъдийнинг таъкидлашича, Ал-Фаллужадаги ҳарбий операция якунланди. Энди қўшинлар уйлар ва кўчалардаги миналарни зарарсизлантириш билан шуғулланади.
Ас-Саъдий бу янгилик билан Ироқ халқи ва бош қўмондонини табриклади.
Ироқ бош вазири Ҳайдар ал-Абадий Ал-Фаллужада жангарилар устидан ғалаба қозонилганини 17 июнь куни эълон қилган эди.
Ал-Фаллужадаги операция май ойида бошланган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)