Голландиянинг ўта ўнг кайфиятдаги «Эркинлик партияси» етакчиси Герт Вилдерс, Буюк Британиядаги умуммиллий овоз бериш якунлари ҳақидаги хабарлардан сўнг, Голландияда ҳам мамлакатнинг Европа Иттифоқига аъзолиги масаласида референдум ўтказишга чақирди. Бу ҳақда Reuters агентлиги хабар бермоқда.
«Биз ўз мамлакатимиз, ўз молиямиз, ўз чегараларимиз учун ўзимиз масъул бўлишни ва мустақил равишда иммиграция сиёсатимизни юритишни истаймиз», — деди Вилдерс.
Партия етакчисининг сўзларига кўра, голландлар имкон қадар тезроқ мамлакатнинг Европа Иттифоқига аъзолиги масаласида ўз нуқтаи назарларини билдиришлари даркор.
Жамоатчилик фикри сўровларига кўра, Голландиянинг энг таниқли сиёсий арбоби ҳисобланган Вилдерс, келаси йил март ойида бўладиган парламент сайловларида унинг партияси ғолиб чиқса ва унинг ўзи мамлакат бош вазирига альянса, Евроиттифоқдан чиқиш масаласини умумхалқ муҳокамасига қўйишга ваъда берди. «Бу масалани голландларнинг ўзи ҳал қилсин», — деди у.
Reuters’нинг хабар беришича, Een Vandaag телеканали томонидан ўтказилган сўров натижалари Голландия аҳолисининг 54 фоизи Евроиттифоққа аъзолик масаласида референдум ўтказилиши керак, деб ҳисоблайди.
23 июнь, пайшанба куни Буюк Британияда мамлакатнинг Европа Иттифоқига аъзолиги масаласида референдум бўлиб ўтди. Овоз беришнинг 51,9 фоиз иштирокчиси Иттифоқ таркибидан чиқиш учун, 48,1 фоизи эса Иттифоқда қолиш учун овоз берди. Референдумда сайловчиларнинг 72 фоиздан ортиғи, умумий ҳисобда 33,5 миллиондан ортиқ киши қатнашган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)