Кубада бошқа мамлакатда Зика вирусини юқтириш билан боғлиқ яна бир ҳолат аниқланди. Венесуэладан сафардан қайтган маҳаллий соғлиқни сақлаш вазирлигининг 35 ёшли ходимаси безгакка чалингани маълум бўлди, дея хабар беради «ТАСС».
Гранма вилоятида яшовчи аёлда уйига қайтган куннинг эртасига касалликнинг дастлабки аломатлари аён бўлди. У касалхонага ётқизилди, олинган таҳлиллар эса вирусни юқтирганликни тасдиқлади. Ҳозирда аёл саломатлигига ҳеч нарса хавф солмаяпти.
Кубада безгакка чалиниш билан боғлиқ илк ҳолат қайд этилган март ойидан бери мамлакатда 18 кишида касаллик аниқланди. Улардан атиги бир нафари мамлакатни тарк этмаган, қолган 17 кишининг барчаси чет элда вирусни юқтириб олган.
Изоҳ (0)