Россиянинг Пермь ўлкаси суди отасининг мозорини тополмай жаҳл устида 20 дан ортиқ қабрга шикаст етказган маҳаллий фуқарони жаримага тортди. Бу ҳақда «РИА Новости» хабар бермоқда.
Ҳодиса ўтган йил ёзида Верешчагино шаҳри қабристонида содир бўлди. 24 ёшли йигит отасининг қабрини зиёрат этмоқчи бўлди, бироқ уни тополмади. Шундан сўнг дарғазаб бўлиб, ён-атрофдаги қабрларни пайҳон қила бошлади.
«У гулчамбарларни узиб отган, хочларни ва ёдгорликларни синдирган, йўлида учраган қабрларни таҳқирлаган. Безорилик оқибатида 22 та қабр шикастланган. Безорига нисбатан жиноий иш очилди ва 25 минг рубль жаримага тортилди», — дея маълум қилди ИИВ минтақавий бошқармаси матбуот хизмати вакили.
Изоҳ (0)