Москва давлат университети олимлари иккинчи бор гравитация тўлқинлари қайд этилганини маълум қилди. Олимларга кўра, Қуёш массасидан 14 ва 8 баробар катта бўлган икки «қора туйнук»нинг қўшилишидан сўнг ҳосил бўлган иккинчи сигнал биринчисига қараганда заифроқ бўлган. Бу ҳақда ўқув юрти матбуот хизмати маълум қилди, дея хабар беради «Ведомости».
«Иккинчи сигнал нисбатан катта бўлмаган ‘қора туйнук’лар томонидан ҳосил қилингани аҳамиятли, бу астрофизикларнинг тахминига кўпроқ тўғри келади. Энди биринчи марта қайд этилган ҳодиса ноёб истисно эмаслигига ишончимиз комил бўлиши мумкин», — дея таъкидлаган МДУ физика факультети профессори Фарида Халилий.
Илк бор гравитация тўлқинлари қайд этилгани 2016 йилнинг 11 февралида эълон қилинган эди. Уларнинг мавжудлигини Альберт Эйнштейн 1916 йилда башорат қилганди.
Изоҳ (0)