Дунёда кўплаб маҳсулотлар (ёғоч буюмлар, пальма ёғида тайёрланган озиқ-овқатлар) ишлаб чиқарилиши бевосита ёки билвосита тропик ўрмонлар йўқ қилинишига олиб келади. Бундан айниқса Аргентина, Боливия, Бразилия, Парагвай, Индонезия, Малайзия ва Папуа — Янги Гвинея азият чекмоқда, дея маълум қилади AdMe.
Норвегия ҳукумати дарахтлар кесилиши билан боғлиқ маҳсулотларни сотиб олмасликка қарор қилди. Тропик ўрмонларни қисқартираётган ва йўқ қилаётган исталган компания билан давлат шартномалари тузилмайди. Кейинги йилларда қатор компаниялар бундай маҳсулотларни харид қилишни тўхтатган, бироқ шу пайтга қадар бу талаб ҳукумат даражасида мустаҳкамланмаганди.
Мамлакат шу тариқа ишлаб чиқарилиши учун тропик ўрмонлардан фойдаланиладиган маҳсулотлардан тўлиқ воз кечган биринчи давлатга айланади. Норвегия фонди бошқа давлатлар, жумладан, Буюк Британия ва Германияни ҳам шундай йўл тутишга чақирди.
Изоҳ (0)