Британияликлар ўртача ойига 1,3 ёки бутун ҳаёти давомида 1264 та пайпоқ йўқотади. Samsung компанияси буюртмасига асосан ўтказилган тадқиқот натижалари шундан далолат бермоқда, дея маълум қилди «Интерфакс».
Шу тариқа Буюк Британия аҳолиси ҳар йили 2 миллиард фунт стерлингга (2,8 миллиард доллар) тенг суммадаги пайпоқларни йўқотади. Рангли пайпоқлар бир рангли, нуқтали ёки чипор ранглиларига нисбатан уч карра кўпроқ йўқолиши аниқланди.
2 мингдан зиёд респондент жавоблари таҳлили асосида пайпоқ йўқотишнинг асосий сабаблари сифатида уларнинг арқон ёки иситиш батареясидан тушиб кетиши, шунингдек, кир ювиш чоғида машинага пайпоқларни жуфти билан солмаслик эканлиги билдирилган. Бу муаммодан энг кўп эркаклар азият чекиши маълум бўлди.
Изоҳ (0)