John Lethbridge қидирув кемаси EgyptAir авиакомпаниясининг бир ой аввал Ўртаер денгизида ҳалокатга учраган A320 лайнери бўлакларини аниқлади, деб ёзади «РБК» авиаҳалокатни текшириш бўйича Миср комиссиясига таяниб.
Унинг маълумотларига кўра, кема «бўлаклар жойлашган бир нечта асосий жойлар»ни қайд этган.
Терговчилар John Lethbridge қидирув жамоаси томонидан олинган тегишли фотосуратларни қўлга киритди, жамоа энди бўлаклар жойлашувини кўрсатувчи харитани тузади.
Эслатиб ўтамиз, Париждан Қоҳирага MS804 рейсини амалга ошираётган A320 самолёти Қоҳира аэропортига қўнишига тахминан 35 дақиқа қолганда, эндигина Миср ҳаво ҳудудига кирганда радарлар экранидан йўқолган эди. Кейинроқ унинг бўлаклари Грециянинг Карпатос оролларидан топилди.
Изоҳ (0)