АҚШ давлат котиби Жон Керри америкаликларни Орландодаги теракт учун жавобгарликни ислом дини тарафдорлари бўйнига қўйишга уринмаслик ҳақида огоҳлантирди, деб ёзади «ТАСС».
«Ҳозир қилишимиз мумкин бўлган энг ёмон нарса — у ёки бу гуруҳ кишилари ёхуд у ёки бу дин вакилларига қаратилган айбловлар билан чиқиш», — деди Америка дипломатияси раҳбари кипрлик ҳамкасби Иоаннис Касулидис билан учрашув олдидан ўтказилган матбуот анжуманида. «Бундай хатти-ҳаракат мамлакатимиз қадриятларига тўғри келмайди», — дея қўшимча қилди Керри.
Аввалроқ АҚШ президенти Барак Обама Орландодаги тунги клуб ташрифчиларига қуролли ҳужумни теракт деб атаган эди. Шунингдек, у Орландодаги фожиа «Америка тарихида энг катта қирғин келтирган отишма» бўлганини таъкидлади.
Орландодаги «Флорида палс» тунги клубига ҳужум натижасида 49 киши ўлдирилди, 53 киши яраланди. Терактни келиб чиқиши афғонистонлик бўлган америкалик Умар Матин амалга оширди, у, ОАВлар версияларига кўра, ИШИД экстремистик гуруҳи тарафдори бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)