«Абу Сайяф» террорчилик гуруҳи жангарилари белгиланган муддатда гаров пули тўланмагани учун Филиппин оролларидан бирида ушлаб турилган Канада фуқаросини қатл этди. Бу ҳақда «РИА Новости» хабар бермоқда.
2015 йил сентябрида номаълум қуролланган кимсалар мамлакат жанубидаги Самал оролида жойлашган меҳмонхонадан Канаданинг икки, Норвегия ва Филиппиннинг бир нафардан фуқаросини ўғирлаб кетганди. Май ойида жангарилар тармоққа гаров пули талаб қилинган видеомурожаатни жойлаштирди. Унда канадалик Роберт Холл ва норвегиялик Кжартан Секкингстад 13 июнгача жангарилар 12,8 миллион доллар тўлов олмаса, улардан бири ўлдирилишини маълум қилганди.
Жангарилар Холо оролида тутқунликда сақланаётган канадалик Роберт Холлнинг умрига зомин бўлди.
Апрель охирида «Абу Сайяф» жангарилари Канаданинг бошқа бир фуқароси Жон Ридсделни қатл этганди.
Изоҳ (0)