АҚШ фуқароси Тадеуш Митчелл Боровиц Туркиянинг Адана шаҳридаги кўп хонадонли уй ҳовлисида ўлик ҳолда топилди, дея хабар бермоқда «ТАСС». 61 ёшли эркак 25 йил давомида АҚШ ҳарбий-ҳаво кучларининг Инжирлик базасида ёқилғи қуювчи самолётлар гуруҳи ёнғин хизмати бошлиғи бўлиб ишлаган.
Америкаликни 13 июнь, душанба куни эрталаб ўткинчилар кўриб қолган, унинг жасади ўзи яшаган уй тўсиғи яқинидаги ички боғда ётган.
Полициянинг дастлабки версиясига кўра, Боровиц ўз уйининг ўнинчи қаватидан тушиб кетган ёки сакраган бўлиши мумкин. Бироқ бу вариант шубҳага учрамоқда, чунки у ҳар куни ишга кўтариб борадиган сумка уй подъезди ёнидан, жасад ётган жойдан анча узоқдан топилган.
Америкаликнинг рафиқаси фожиа чоғида шаҳар ташқарисидаги уйида бўлган.
Изоҳ (0)