Қирғизистонда газ ташувчи юк машинаси портлаши натижасида ҳалок бўлганлар сони беш кишига етди, дея хабар бермоқда «РИА Новости».
Бишкекда содир бўлган портлашда жабрланган икки киши касалхонада вафот этди, у ерда яна беш киши қолмоқда.
6 июнь куни Бишкекдаги юк машиналари тўхташ жойида газ ташиш учун мўлжалланган автоцистерна портлаб кетди, сўнг катта ёнғин бошланди. Бешта машина ёниб кетди, 26 дан 55 ёшгача бўлган ўн киши куйиш жароҳатлари билан касалхонага ётқизилди. Ўтган ҳафта танасининг 95 ва 100 фоизи куйган уч киши касалхонада вафот этган эди.
Қолган беш кишининг аҳволида ҳозирча ҳеч қандай ўзгариш йўқлиги айтилмоқда.
Изоҳ (0)