БМТ Бош ассамблеяси 71-сессиясининг раиси этиб Фижининг халқаро ташкилотдаги доимий вакили Питер Томсон сайланди. Раисликка номзод бўйича ёпиқ овоз бериш БМТ штаб-квартирасида бўлиб ўтди ва унда Томсон Кипр вакили Андреас Маврояннисга нисбатан тўрт овоз кўп олди (94 га қарши 90). Бу ҳақда «ТАСС» хабар бермоқда.
2010 йилдан бери Фижининг халқаро ташкилотдаги доимий вакили бўлиб ишлаб келаётган Томсон номзоди учун овоз берган ассамблея аъзоларига миннатдорлик билдирди ва буни Тинч океанидаги кичик давлат учун «буюк ҳодиса» деб атади. Томсон ўзининг раислик муддатида сайёрада иқлим ўзгариши масалалари ва ўтган сессияда қабул қилинган Барқарор ривожланиш мақсадлари бажарилишига алоҳида эътибор беришини маълум қилди.
БМТ Бош ассамблеяси 71-сессияси шу йил сентябрь ойида очилади.
Изоҳ (0)