Жануби-ғарбий Хитойдаги Сичуан провинцияси, Панчжихуа шаҳар округида 13 июнь, душанба куни юк поезди изидан чиқиб кетди ва уйга бориб урилди. Бунинг оқибатида уч киши жароҳатланди, бир киши бедарак йўқолди, дея хабар беради «ТАСС».
Sina портали маълумотларига кўра, жабрланганлар орасида икки машинист ва бир нафар темир йўл ишчиси бор. Ҳозирда қутқарувчилар поезд вайрон қилган уйдаги бешта хонадан бирида бўлгани тахмин қилинаётган пенсионерни қидирмоқда.
Терговчиларнинг аниқлашига кўра, локомотив захира йўлида тўхтатиши керак бўлган, бироқ ҳозирча номаълум сабабга кўра бу ҳолат юз бермаган. Расмийлар ҳодиса юзасидан текширув олиб бормоқда.
Изоҳ (0)