BMT Bosh assambleyasi 71-sessiyasining raisi etib Fijining xalqaro tashkilotdagi doimiy vakili Piter Tomson saylandi. Raislikka nomzod bo‘yicha yopiq ovoz berish BMT shtab-kvartirasida bo‘lib o‘tdi va unda Tomson Kipr vakili Andreas Mavroyannisga nisbatan to‘rt ovoz ko‘p oldi (94 ga qarshi 90). Bu haqda “TASS” xabar bermoqda.
2010-yildan beri Fijining xalqaro tashkilotdagi doimiy vakili bo‘lib ishlab kelayotgan Tomson nomzodi uchun ovoz bergan assambleya a’zolariga minnatdorlik bildirdi va buni Tinch okeanidagi kichik davlat uchun “buyuk hodisa” deb atadi. Tomson o‘zining raislik muddatida sayyorada iqlim o‘zgarishi masalalari va o‘tgan sessiyada qabul qilingan Barqaror rivojlanish maqsadlari bajarilishiga alohida e’tibor berishini ma’lum qildi.
BMT Bosh assambleyasi 71-sessiyasi shu yil sentabr oyida ochiladi.
Izoh (0)