Марокаш ҳукумати, улардаги маълумотларга кўра, ИШИД тарғиботи таъсирида теракт уюштиришни режалаштирган Италия фуқаросини қўлга олди, деб ёзади «ТАСС».
Марокаш ички ишлар вазирлиги айбланувчи ўтган чоршанба куни (8 июнь) Жазоир билан чегарада жойлашган Ужда шаҳридаги аэропортда ҳибсга олинганини маълум қилди. ИИВ баёнотида айтилишича, италиялик ИШИД мафкураси таъсирига тушиб қолган ва 2014 йилда ушбу гуруҳнинг машғулот лагерига киришга ҳаракат қилган, аммо бунинг уддасидан чиқа олмаган.
Бу Марокашда ИШИД билан алоқадорликда гумон қилиниб, шахсларнинг ҳибсга олиниши билан боғлиқ биринчи ҳолат эмас. Май ойида Ғарб элчихоналари ва сайёҳлик объектларига қаратилган терактларни режалаштирган Чад фуқароси қўлга олинган эди. Мартда эса Марокашда теракт тайёрлаётган тўққиз кишилик гуруҳ фош этилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)