Италиялик карабинер (тартибни сақловчи ҳарбий хизматчи) унга пичоқ билан ташланган муҳожирга қарши қурол қўллашга мажбур бўлди. ANSA маълумотларига кўра, ҳужум қилган шахс отиб ўлдирилган, дея хабар беради «ТАСС».
Ҳодиса Италия жанубидаги Калабрия провинциясида, Сан-Фердинандо шаҳридаги вақтинчалик жойлаштириш марказида рўй берди. Карабинер ва унинг шериги бир-бири билан муштлашаётган муҳожирларни ажратишга ҳаракат қилди. Улардан бири пичоқ чиқариб, ҳуқуқ-тартибот ходимига ташланиб, уни яралагач, тўппончасини қўллашга мажбур бўлган.
Бўлиб ўтган воқеа юзасидан маҳаллий прокуратура текширув бошлаган бўлса-да, карабинернинг ҳаракати ўзини ҳимоя этиш сифатида баҳоланмоқда.
Изоҳ (0)