Австралия соҳилларида наҳанг ҳужумига учраган сёрфингчи шифохонада оламдан ўтди. Бу ҳақда, ABC телекомпаниясига асосланиб, «ТАСС» хабар бермоқда.
Фожиа Австралия ғарбидаги Манжера шаҳри яқинидаги Фалкон аҳоли яшаш жойида содир бўлди. 29 ёшли Бэн Герринг 31 май, сешанба куни наҳанг ҳужумига учради ва оёғидан айрилди. Жабрланувчи шифохонага етказилиб, жарроҳлик амалиётидан ўтказилди, лекин унинг аҳволи яхшиланмади.
Австралия балиқчиликни бошқариш департаменти мутахассисларининг маълум қилишича, Геррингнинг сёрфингида қолдирилган изларга қараганда, ҳужумни катта оқ наҳанг амалга оширган.
Изоҳ (0)