Бирлашган Қиролликнинг 2003 йилда Ироққа ҳужумдаги иштироки ҳақидаги маъруза нусхасини қўлга киритиш учун, Ироқда ҳалок бўлган британиялик ҳарбий хизматчиларнинг оилаларига 767 фунт (1,1 минг доллар)дан тўлашга тўғри келади. Бу ҳақда тергов расмий вакили маълум қилди, деб ёзади «ТАСС».
Ички ишлар вазири собиқ ўринбосари Жон Чилкот бошчилигидаги тергов комиссияси 2009 йилдаёқ иш бошлаган, сўнгги очиқ тинглашлар эса 2011 йилда бўлиб ўтган эди. Шунга қарамай, маъруза якунлари ҳамон эълон қилинганича йўқ, ҳужжатни чоп этиш муддати эса доимий равишда кечиктириб келинади.
Аввалроқ Дэвид Кэмероннинг тергов комиссияси раиси Жон Чилкот билан консультацияларидан сўнг, Буюк Британиянинг 2003 йилда Ироққа ҳужумдаги иштироки ҳақидаги маъруза 6 июль куни чоп этилиши маълум бўлган эди.
Изоҳ (0)