Avstraliya sohillarida nahang hujumiga uchragan syorfingchi shifoxonada olamdan o‘tdi. Bu haqda, ABC telekompaniyasiga asoslanib, “TASS” xabar bermoqda.
Fojia Avstraliya g‘arbidagi Manjera shahri yaqinidagi Falkon aholi yashash joyida sodir bo‘ldi. 29 yoshli Ben Gerring 31-may, seshanba kuni nahang hujumiga uchradi va oyog‘idan ayrildi. Jabrlanuvchi shifoxonaga yetkazilib, jarrohlik amaliyotidan o‘tkazildi, lekin uning ahvoli yaxshilanmadi.
Avstraliya baliqchilikni boshqarish departamenti mutaxassislarining ma’lum qilishicha, Gerringning syorfingida qoldirilgan izlarga qaraganda, hujumni katta oq nahang amalga oshirgan.
Izoh (0)