Ироқнинг Ал-Фаллужа шаҳрида камида 40 киши, жумладан, ироқлик ҳарбийлар ва «Ал-Хашд аш-Шаабий» тузилмаси кўнгиллилари худкуш террорчилар томонидан уюштирилган портлашлар қурбони бўлди. Бу ҳақда Al Jazeera телеканалига таяниб, «ТАСС» хабар бермоқда.
Олдинроқ шаҳардан жанубда ИШИД экстремистлари ташкил этган пистирмадан қилинган ҳужум оқибатида 33 нафар ироқлик ҳарбий ҳалок бўлгани билдирилганди.
Ироқ қуролли кучлари ИШИД томонидан 2014 йилда босиб олинган Ал-Фаллужа шаҳрига 30 май, душанба куни кирган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)