Муниса Ризаева «Даракчи» газетасига берган интервьюсида севган инсонининг хиёнати туфайли узоқ муддат қайғуда бўлганини айтди. У охирги пайтларда тушкунликда юрганини айнан шу билан тушунтирди.
«Бу ҳолат шахсий ҳаётимдаги воқеалар билан боғлиқ. Матбуотга расман эълон қилмаган бўлсамда, ҳамкасбларим, яқинларим турмушга чиқишни режлаштираётганимни биларди. Тўй кунини ўтган йилдаги концертимдан кейинга режалаштиргандик. Аммо севган инсонимнинг хиёнати туфайли тўйимиз тўхтатилди. Шундан кейин уч ой ўзимга келолмадим. Қалб жароҳати битиши қийин экан. Уни унутиш мақсадида кўпроқ саёҳатда юришга ҳаракат қилдим», — унинг сўзларини келтиради «Даракчи.uz».
Шу билан бирга, хонанда бу қийинчиликлардан ўтиб олганини ҳам таъкидлаб ўтди:
«Ҳозир бу ҳақда бироз осон гапиряпман. Аммо уч ой олдин ‘нега хиёнат қилди?’, ‘одамлар тўйим ҳақида сўрашса нима дейман?’ каби саволлар ич-этимни кемириб адо қилганди. Қолаверса, санъаткорлар доим барчанинг диққат марказида бўлади. Очиғи, яна гап-сўзларга қолишдан қаттиқ хавотирга тушгандим. Чунки салбий гапларни эшитиш осон эмас. Аммо вақт ҳамма нарсага даво экан. Орадан ойлар ўтиб, энди-энди уни унута бошладим... Ҳаётнинг турли зарбаларига чидаш учун инсоннинг иродаси кучли бўлиши керак экан. Бундан кейин ҳаммаси яхши бўлишига ишонаман».
Изоҳ (0)