Facebook ва Microsoft ўз хизматлари учун янада юқори тезликдаги интернетни таъминлаш мақсадида АҚШ шарқий соҳил бўйидан Испанияга кабель ётқизади. Лойиҳа қиймати маълум қилинмаяпти, деб хабар беради Meduza.
Кабелни Виржиния штатидан Испаниянинг Бильбао шаҳригача ётқизиш, у ердан эса Европанинг бошқа қисмлари, шунингдек, Африка, Осиё ва Яқин Шарққача давом эттириш мўлжалланган. Қурилиш 2016 йил августидан 2017 йил октябригача давом этади.
Уланишнинг юқори тезлиги фойдаланувчиларни тўғридан-тўғри эфирдаги видеотрансляциялар ва виртуал реалликдаги учрашувларга фаол жалб этаётган Facebook учун айниқса муҳим. Бу кабель ётқизишга оид илк хусусий лойиҳа бўлиб, шу пайтгача бу каби инфраструктур лойиҳалар давлат тизимлари томонидан амалга ошириларди. Ҳозирда Америка ва Европани сув остидан ўтган ўндан ортиқ кабеллар боғлаб туради.
Изоҳ (0)