Ахборот сақлашнинг эскирган услубларидан фойдаланишдан воз кечилаётганига қарамай, АҚШ ҳарбийлари ҳозиргача ўтган асрнинг 70-йилларида пайдо бўлган 8 дюймли дискетлардан фойдаланиб келмоқда. Бу ҳақда TJournal хабар берди.
АҚШ Ҳисоб палатаси ҳисоботига кўра, мамлакатнинг айрим федерал муассасаларида мутаносиблик учун хизмат муддати баъзан 50 йилдан ошган эски IT-тизимлари қўлланилмоқда. Масалан, АҚШ молия вазирлигида буйруқлари фойданилаётган қурилмага боғлиқ бўлган ва унга тўғридан-тўғри киришга имкон берувчи ассемблер дастурлаш тилида ёзилган дастурлар ишлатилмоқда. Фахрийлар ишлари вазирлиги, Адлия вазирлиги, Ижтимоий таъминот маъмуриятида 1959 йилда ишлаб чиқилган ва ҳозирга қадар янгиланиб келинадиган COBOL тилида ёзилган дастурлар қўлланилади. Бунинг учун нафақага чиқиб кетган мутахассисларни қайта ишга олишга тўғри келмоқда.
АҚШ мудофаа вазирлиги миллий ядро қуролларининг операцион функцияларини мувофиқлаштирувчи тизимда маълумотларни сақлаш учун 8 дюймли дискетлардан фойдаланмоқда. Гап шундаки, муассаса фойдаланадиган IBM Series/1 компьютерларида манбаларнинг бундан бўлак сақлаш услубларини қўллаб ҳам бўлмайди. Вазирлик 2017-охирига келибгина бу тизимга ўзгартиришлар киритиш, яъни сақлашнинг янги услубларидан фойдаланишга ўтишни режалаштирмоқда.
Шунга ўхшаш чоралар бошқа ташкилотларда ҳам кутилмоқда, бироқ Фахрийлар ишлари ва молия вазирликларида янги қурилмаларга ўтишнинг аниқ муддатлари белгиланмаган.
Изоҳ (0)