Samsung’нинг навбатдаги флагман фаблети Galaxy Note 6 ўрнига Note 7 номини олиши мумкин, деб ёзади 3DNews Жанубий Кореядаги манбаларига таяниб. Сўнгги миш-мишларга кўра, унинг расмий тақдимоти жорий йилнинг август ойи ўрталарида бўлиб ўтади.
Ишлаб чиқарувчи қурилмалар авлодини рақамлашда «6» рақамини тушириб қолдиришга нима сабабдан қарор қилгани (агар маълумот ишончли бўлса, албатта)ни англаш қийин эмас, деб ёзади нашр. Биринчидан «олти» компаниянинг модель қаторида чалкашликни келтириб чиқариши мумкин, ахир унинг ҳозирда оммабоп бўлган смартфони Galaxy S7 номига эга. Иккинчидан, компания рақобатчиси — Apple кузда iPhone 7 Plus’ни тақдим этади. У Galaxy Note сериясидаги қурилмаларнинг бевосита рақиби бўлиб, бунда Note 6 номи ноўринроқ бўлиб қолади.
Гап-сўзларга кўра, Samsung Galaxy Note 7 5,8 дюймли Quad HD-дисплей, 6 Гб тезкор ва 256 гигабайтгача ички хотира, Samsung Exynos 8890 ва Qualcomm Snapdragon 823 чипларига эга бўлади. Шунингдек, фаблетнинг иккала томони ҳам Galaxy S7 edge’даги каби қайрилма бўладиган версияси ҳам чиқарилади.
Изоҳ (0)