Интернетда оммабоп iPhone 6S смартфони энг баланд нархларда сотиладиган дунё мамлакатларининг янги рейтинги пайдо бўлди, деб ёзади «Mobinfo.uz». У Deutsche Bank экспертлари томонидан жорий йил ҳолатига кўра тузилган.
Маълум бўлишича, энг қиммат iPhone 6 (тадқиқот учун айнан шу модель олинди) Бразилияда сотилади — у ерда унинг нархи 931 долларга тенг. Apple маҳсулоти энг қиммат нархларда сотиладиган мамлакатлар ўнлигига, шунингдек, Финляндия, Бельгия, Нидерландия, Испания, Франция кирди, у ерда олтинчи iPhone учун 732—743 доллар тўлашга тўғри келади. Энг арзон iPhone’ларни эса АҚШ, Гонконг, Япония, ЖАР ва Сингапурда топиш мумкин.
Нашр таъкидлашича, iPhone’нинг маҳаллий нархлари савдо солиғи, бошқа мамлакатлардан келтирилган тарифлар, шунингдек, валюта курслари ўртасидаги фарқларни ўз ичига олади, ушбу омилларни Apple компанияси назорат қила олмайди.
Изоҳ (0)