БМТ бош котиби Японияда ўз ишини бошлаган G7 саммитига келди

БМТ бош котиби Пан Ги Мун Японияда ўз ишини бошлаган G7 саммитига келди. Бундан олдин у Жанубий Кореяда ташрифда бўлган ва Японияга Korean Air самолётида учиб келган, дея хабар беради «РИА Новости».

Япония бош вазири Синдзо Абэ раислигидаги саммитда АҚШ президенти Барак Обама, Франция президенти Франсуа Оланд, Германия канцлери Ангела Меркель, Буюк Британия бош вазири Дэвид Кэмерон, Италия президенти Маттео Ренци, Канада бош вазири Жастин Трюдо иштирок этмоқда. Тадбирда Европа кенгаши раҳбари Дональд Туск ва Еврокомиссия раиси Жан-Клод Юнкер, айрим халқаро ташкилотлар раҳбарлари ҳам қатнашмоқда. 

Шунингдек, саммитга меҳмон сифатида Чад, Индонезия, Шри-Ланка, Бангладеш, Папуа — Янги Гвинея, Вьетнам ва Лаос етакчилари таклиф этилган.