Россия Япония билан Курил оролларининг берилиши ёки сотилишини муҳокама қилмаяпти. Бу ҳақда Россия президенти Владимир Путин 20 май, жума куни Сочида, журналистлар билан матбуот анжумани чоғида маълум қилди, дея хабар беради «РБК».
Путин журналистнинг Россия Япония билан тинчлик шартномасини имзолаш масаласида савдолашаётгани ёки йўқлиги ҳақидаги саволига «Россия кўп нарсани сотиб отишга тайёр, аммо ҳеч нима сотмайди. Барча шериклар, жумладан, Япония билан мулоқотга шаймиз, хусусан, тинчлик шартномасини тузиш юзасидан ҳам», дея жавоб берган.
У Москва Токио билан иқтисодий ҳамкорликни мазкур шартнома тузилишига боғламаслигини билдирди. «Биз муносабатларни ривожлантиришни истаймиз, холос. Бирини иккинчиси билан боғламаймиз, ўзаро алоқаларнинг барча йўналишларини муҳокама қиламиз», — дея таъкидлаган давлат раҳбари.
6 май куни Сочида Владимир Путиннинг Япония бош вазири Синдзо Абэ билан музокаралари бўлиб ўтган, унинг якунлари бўйича Абэ россиялик ҳамкасбига Курил ороллари муаммосини ҳал этишнинг янги ечимини таклиф этгани ва Россия президенти ушбу ғояни қўллаб-қувватлаганини билдирганди.
Изоҳ (0)