EgyptAir авиакомпаниясининг A320 самолёти Ўртаер денгизида қулашида ҳеч ким омон қолмаган. Бу ҳақда Миср фуқаролик авиацияси вазири Шариф Фатҳий Al-Masry Al-Youm нашрига берган интервьюсида маълум қилган, дея хабар беради «РБК».
«Ҳалокатда ҳеч ким тирик қолмаган. Миср қуролли кучлари ҳаво кемаси бўлаклари ва қурбонларнинг шахсий буюмларини қидириб топиш учун барча ҳаракатларни амалга оширмоқда», — дея таъкидлаган вазир.
Олдинроқ мисрлик қутқарувчилар A320 ҳалокатга учраган ердан юк, ўриндиқ ва тана қолдиқларини топгани билдирилганди.
Париждан Қоҳирага учаётган самолёт 19 май куни эрталаб радарлардан ғойиб бўлган. MS804 рейси бортида 56 нафар йўловчи (улардан 15 нафари Франция ва 30 нафари Миср фуқароси) ва ўн нафар экипаж аъзоси бўлган.
Изоҳ (0)