Қирғизистонда мухолифатчи Нурлан Мотуев «Халқ парламенти» мухолифат ҳаракати форумида «ИШИД»ни қўллаб-қувватлашга даъват этгани учун Қирғизистон Давлат миллий хавфсизлик қўмитаси ходимлари томонидан ҳибсга олинди, дея хабар бермоқда «Интерфакс» маҳаллий ОАВларга таяниб.
Аввалроқ «Халқ парламенти» жамоатчилик ҳаракатининг уч сиёсатчиси ҳукуматни эгаллашга урингани учун қўлга олинган эди. Уларга нисбатан республика Жиноят кодексининг «ҳукуматни куч билан эгаллашга тайёргарлик кўриш» ва «ҳукумат вакилига нисбатан зўравонлик қўллашга тайёрланиш» моддалари бўйича айбловлар эълон қилинган.
Халқ парламенти 17 май куни Бишкек марказида норозилик акциясини ўтказишини эълон қилди, унда президент Алмазбек Атамбаев истеъфосини талаб қилишмоқчи.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)