Lego компанияси дунёдаги энг катта дўконини Хитойнинг Шанхай шаҳрида очди. Бу ҳақда, Reuters агентлиги маълумотига таяниб, «РБК» хабар берди.
Икки қаватли дўкон келгуси ойда очилиши керак бўлган Диснейленд ҳудудида жойлашган.
Март ойи ўртасида China Daily нашри дўкон 1000 квадрат метр майдонни эгаллаши ҳақида маълум қилган эди. Ўшанда компания Хитойнинг Германия ва АҚШ билан бир қаторда Lego’нинг энг йирик бозорлари учлигига киришини кутаётганлиги маълум қилинган эди.
Lego ўзининг баёнотида Хитой 2015 йилда энг самарали бозорлардан бири бўлганлигини таъкидлаган эди.
Изоҳ (0)