12 май, пайшанба куни Руминиядаги Девеселу базасида НАТОнинг ракетага қарши мудофаа қурилмаси ишга туширилади, дея хабар бермоқда НАТО матбуот хизмати.
«Ижис» ракетага қарши мудофаа тизимини ишга тушириш маросимида руминиялик мулозимлардан ташқари, НАТО бош котиби Йенс Столтенберг ҳам қатнашади.
АҚШ мудофаа вазирлигининг Европадаги вакили Роберт Белл сўзларига кўра, тез орада ракетага қарши қалқон НАТО қўмондонлигига топширилади.
«Энди бизда НАТОни Европада ҳимоя қилиш имконияти бор, — деди у. — Эронликлар ўз имкониятларини кенгайтирмоқда, биз эса олдинда бўлишимиз керак. Тизим Россияга қарши қаратилмаган».
Изоҳ (0)