Россиялик ҳарбий хизматчи Антон Еригин Суриянинг Хомс провинциясида оғир жароҳатлар олди ва касалхонада вафот этди. Бу ҳақда Россиянинг Суриядаги Хмеймим базаси вакилига таяниб, «ТАСС» хабар берди.
«Хомс провинциясида Россиянинг душман томонларни яраштириш маркази автомобилларига ҳамроҳлик қилиш бўйича топшириқларни бажариш чоғида жангарилар томонидан ўқ ёғдирилиши натижасида россиялик ҳарбий хизматчи Антон Еригин оғир яраланди. Ярадор ҳарбий хизматчи тезкорлик билан госпиталга етказилди, у ерда россиялик ҳарбий шифокорлар икки кеча-кундуз давомида Антоннинг ҳаёти учун кураш олиб борди, аммо унинг жонини сақлаб қолиш иложи бўлмади», — деди Марказ вакили.
Қўмондонлик ҳарбий хизматчини вафотидан кейинги давлат мукофоти учун тавсия этди.
Изоҳ (0)