Токиода мактаб ўқувчилари бўлган 13 ёшли икки қиз бир-бирининг қўлидан тутиб, яқинлашиб келаётган поезд остига ўзини ташлади ва ҳалок бўлди. Бу ҳақда «РИА Новости» хабар бермоқда.
Машинист поезд платформага яқинлашишидан олдин икки қиз рельсларга ўзини ташлаганини кўрган, бироқ поездни тўхтатишга улгурмаган. Полиция қизларнинг портфелидан ёзувлар битилган бир неча варақ топган. Жумладан, қизлардан бири мулоқотда муаммоларга дуч келаётгани ва шу сабабли яшашни истмаслигини ёзган. Ўқувчилар Токионинг Синагава туманидаги мактабнинг бир синфида ўқиган ва бирга театр тўгарагига қатнаган.
Полиция текширув олиб бормоқда. Мактаб маъмурияти ҳалок бўлган қизларда синфдошлари билан муносабатларда кўзга кўринарли муаммолар бўлмаганини таъкидламоқда.
Изоҳ (0)