Мейфэр баронессаси ва Британиянинг Ultimo бренди (ички кийимлар ишлаб чиқаради) асосчиси Мишель Моне янглишиб, 22 ёшли вьетнамликни жажжи болакай деб ўйлади, деб ёзади TJournal.
Вьетнамда тадбиркорлар учун бўлиб ўтган конференция чоғида баронесса уч минг кишилик аудитория қаршисида нутқ сўзлагач, Тэн Фат Нгуен исмли вьетнамлик саҳнага гул кўтариб чиқди. Уни баронесса олти ёшли бола деб ўйлаб, суратга тушиш учун қўлига кўтариб олди. Қатор ОАВлар ёзишича, айни шу пайтда биринчи қаторда ўтирган номаълум аёл ўзини Нгуеннинг хотини деб таништириб, уни пастга туширишни талаб қилди. Зал эса ўша заҳотиёқ қаҳқаҳа билан тўлди.
Кейинроқ баронесса ҳодисани ўз Twitter’ида «энг шармандали лаҳза» деб атади.
https://twitter.com/MichelleMone/status/728853141656055808
Нгуен баъзи ОАВларнинг у аслида 46 ёшда эканлиги ҳақидаги хабарларини инкор этиш мақсадида Facebook’да ўз ҳужжатлари суратини эълон қилди. Ҳақиқатда эса у 22 ёшда бўлиб, кўчмас мулк бўйича агент бўлиб ишлайди.
Нгуен конференцияда содир бўлган қизиқ ҳолатни тасдиқлади, аммо унинг на хотини, на севган қизи борлигини таъкидлади. Монени у ўз кумири деб атади.
Изоҳ (0)