Филиппин АҚШдан мустақилликка эришганидан кейинги биринчи мамлакат президенти (1946—1948 йиллар) Мануэль Акуна Рохаснинг набираси, мамлакат президентлигига номзод Мануэль Рохас 9 май, душанба куни бўлиб ўтган сайловлардаги мағлубиятини тан олди. У овоз бериш натижаларига кўра иккинчи ўринда кетаётганди, дея хабар беради «РИА Новости».
Сайловларда 22 йил давомида Давао шаҳри мэри лавозимини эгаллаб келган Родриго Дутэрте етакчилик қилмоқда. «Дутэрте келгуси президент бўлиши кундек равшан бўлиб турибди», — дея маълум қилган Рохас. Олдинроқ бошқа номзод — сенатор Грейс По ҳам мағлубиятини тан олган ва Дутэртени табриклаганди.
Филиппинда президентлик сайловлари бир тур билан чекланади, кўпчилик овозни тўплаган номзод давлат раҳбари этиб сайланади.
Изоҳ (0)