Руандада ўтган дам олиш кунлари шиддатли ёмғирлар келтириб чиқарган кўчки қурбонлари сони салкам 50 кишига етди, юзлаб бинолар вайронага айланди. Бу ҳақда «ТАСС» хабар бермоқда.
Олдинроқ табиий офат туфайли 20 киши ўлгани билдирилганди.
«8 май, якшанбага ўтар кечаси кучли ёмғирлар Руанданинг турли қисмларида кўчкиларга сабаб бўлди. Бунинг оқибатида 49 киши ҳалок бўлгани қайд этилди», — дейилади мамлакат ҳукумати баёнотида.
500 дан ортиқ бино тўлиқ бузилган, аксарият йўллар фойдаланиб бўлмайдиган ҳолатга келган. Табиий офатдан энг кўп Гакенке тумани азият чекди, бу ерда 34 киши нобуд бўлган.
Изоҳ (0)