Олий Лига. «Локомотив» ва «Насаф»ни тўхтатадиган клуб 8-турда ҳам топилмади

Футбол бўйича Ўзбекистон Олий Лигасида 8-турнинг яна 4 та ўйинига якун ясалди. Турнир жадвалида етакчилик қилаётган Тошкентнинг «Локомотив» ҳамда Қаршининг «Насаф» клублари унда навбатдаги ғалабаларга эга чиқди.

• Олий Лига. «Шўртан» биринчи ғалабасига эга чиқди, «Металлург» эса кучли тўртликка кирди

Маълумот учун, «Пахтакор» аъзоси Игорь Сергеев ҳамда «Металлург» вакили Зоҳид Абдуллаев ҳисобида ҳам 7 тадан гол бор.

«Обод» клуби дастлабки саккиз турнинг бирортасида ҳам зафар қуча олмай, Олий Лиганинг сўнгги жамоаси бўлиб турибди.

Қаршининг «Насаф» клуби турнинг марказий ўйинларидан бирида «Қизилқум»ни мағлуб этди. Шу тариқа очколари сонини 22 тага етказиб олган «Насаф» Тошкентнинг «Локомотив» клуби билан лигада қўшҳокимлик қилмоқда.

19 очко билан 3-ўринда бораётган «Бунёдкор» 8-турдаги ўйинини 9 май куни «Қўқон—1912» майдонида ўтказади. Эҳтимолий ғалаба «Бунёдкор»нинг очколарини икки етакчиники билан тенглаштиради.

Қайд этиш керак, 8-турдан кейин «Металлург» кучли тўртликни якунлаб турибди. Ўзбекистоннинг сўнгги икки йилликдаги чемпиони «Пахтакор» 5-ўриндан жой олган. Ўйинларига энг кўп мухлис ташриф буюраётган «Бухоро» эса 6-поғонада.

• Олий Лиганинг дастлабки олти турида келишилган ўйинлар борлиги аниқланмади

«Андижон» — «Машъал» 1:0

«Обод» — «Локомотив» 0:2

«Олмалиқ» — «Нефтчи» 3:0

«Насаф» — «Қизилқум» 2:0