АҚШ ҳуқуқ-тартибот идоралари Нью-Йорк штатининг Локпорт шаҳрида жойлашган касалхоналардан бирида қуролли талончиликни амалга оширган эркакни қидирмоқда. Бу ҳақда «ТАСС» хабар берди.
NBC телеканали маълумотларига кўра, икки винтовка билан қуролланган номаълум кимса 7 май, шанба куни тонгда касалхона биносига бостириб кирган ва бир неча дори-дармонларни беришни талаб қилган. Акс ҳолда рюкзагидаги портловчи қурилмани ҳаракатга келтириш билан таҳдид қилган.
Талончига талаб қилган дорилари берилганидан сўнг рюкзак ва қуролни қолдириб, касалхонани тарк этган.
Ҳодиса жойига чақирилган сапёрлар қурилма бомба муляжи эканлигини аниқлади. Ҳозирда қидирув ишлари олиб борилмоқда. Жиноятчининг 20 ёшлардаги оқ танли эркак эканлиги маълум.
Изоҳ (0)