Сурияда ўғирлаб кетилган уч нафар испаниялик журналист озод қилинди. Бу ҳақда Испания ҳукумати матбуот котиби маълум қилди, деб хабар беради «РБК».
Гап фрилансер журналистлар Антонио Памплиега, Хосе Мануэль Лопес ва Анхель Састре ҳақида кетмоқда. Испания бош вазирининг ўринбосари вазифасини бажарувчи Сорайя Саэнс де Сантамария улар билан мулоқотда бўлишга улгургани айтилмоқда. El Pais манбаларига кўра, журналистлар ҳозирда Туркияда бўлиб, уларни олиб келиш учун испан расмийлари самолёт жўнатган.
Шаҳардаги вазият ҳақида материал тайёрлаётган Памплиега, Лопес ва Састре ўтган йил июлида «Жабҳат ан-Нусра» жангарилари назоратида бўлган Алеппода бедарак йўқолганди.
Изоҳ (0)