Футбол бўйича Олий Лига 9-туридан ўрин олган «Локомотив» (Тошкент) – «Пахтакор» (Тошкент) учрашуви 13 майдан 12 май кунига кўчирилди. Бу ҳақда Ўзбекистон профессионал футбол лигаси матбуот хизмати хабар бермоқда.
Мазкур ўзгариш «Локомотив» клубининг Осиё Чемпионлар Лигаси плей-офф учрашувларига жиддий тайёргарлик кўришини таъминлаш мақсадида амалга оширилди.
«Темирйўлчилар» жорий мавсумда Ўзбекистон клублари орасида Осиё Чемпионлар Лигаси плей-офф босқичига чиқа олган ягона жамоа бўлди. Гуруҳ босқичини муваффақиятли якунлаган «Локомотив» клуби ОЧЛ–2016 турнири нимчорак финалида Саудия Арабистонининг «Ал-Ҳилол» клубига қарши ўйнайди.
Жамоалар ўртасидаги биринчи ўйин 17 май куни Саудия Арабистони пойтахти Ар-Риёд шаҳрида бўлиб ўтса, жавоб учрашуви 24 май куни Тошкентда ўтказилади.
Изоҳ (0)