Бугун,

  • USD 11014.01
  • RUB 191.8
  • EUR 10674.78

Бағдодда хавфсизлик билан боғлиқ вазият назорат остига олинди. Бу ҳақда Ироқ бош вазири Ҳайдар Ал-Ободий ўз Twitter’ида маълум қилди, деб ёзади «РБК».

Фото: Reuters

Фото: Reuters

Аввалроқ Ироқ шиаларининг радикал етакчиси тарафдорлари парламент биносига бостириб кирган, шундан сўнг шаҳарда фавқулодда ҳолат режими жорий қилинган эди.

«Бош вазир Ал-Ободий Бағдоддаги хавфсизлик билан боғлиқ вазият назорат остида эканлигини таъкидламоқда ва намойишчиларни норозилик ҳаракатлари учун махсус ажратилган жойга қайтишга чақирмоқда», — дейилади хабарда.

30 апрель куни Ироқ бош вазири парламентда вазирлар маҳкамасининг янги таркибини тасдиқлаш учун вакиллик қилиши керак эди. Сўнгги лаҳзада овоз бериш кейинга қолдирилди. Шундан сўнг Ироқ шиалари радикал етакчиси Муктада ас-Садр ўз тарафдорлари қаршисида нутқ сўзлаб, халқ хоҳиш билдирса, янги ҳукуматни шакллантириш ниятини маълум қилди. У халқни коррупцияга қарши инқилоб бошлашга чақирди.

Натижада унинг юзлаб тарафдорлари Бағдоднинг давлат муассасалари жойлашган қўриқланадиган «яшил ҳудуд»ига кириб борди. Шундан кейин шаҳарда фавқулодда ҳолат эълон қилинди.

Изоҳ
Асосий янгиликлар