Ироқ пойтахти Бағдодда 30 апрель, шанба куни кечки пайт фавқулодда ҳолат эълон қилинди. Истовчилар шаҳарни тарк этиши мумкин, бироқ пойтахтга барча кириш манзиллари ёпиб қўйилган, дея хабар беради «Ведомости».
Ироқнинг шиа етакчиларидан бири Муқтадо ас-Садр тарафдорлари бўлган намойишчиларнинг маҳаллий парламентга бостириб киргани вазият мураккаб тус олишига сабаб бўлди. Намойишчилар мамлакат ҳукумати таркибида кутилаётган ўзгаришларга норозилик билдирмоқда. Бош вазир Ҳайдар ал-Абадий намойишчилар талабини қондириш ва ҳукумат таркибини шакллантиришга ҳаракат қилмоқда, бироқ парламентда ҳукм сураётган тартибсизликлар бунга имкон бермаяпти.
Мамлакат аксилтеррор кучлари юз бераётган воқеаларни намойиш деб билгани сабабли вазиятга ҳозирча аралашмасликка қарор қилган. Бироқ можаро кескин тус олса, ҳукуматни ҳимоя қилиш учун куч ишлатишга тўғри келиши билдирилган.
Изоҳ (0)