Facebook’да тўпланган 4 млн сўм, қарийб 2900 сўмга чиққан доллар, арманлардан узр сўраган Туркия президенти ва куннинг бошқа муҳим янгиликлари

25 апрелнинг эътиборга молик хабарлари — «Дарё»нинг кечки дайжестида.

1. Ўзбекистонда долларнинг расмий курси 75 тийин кам 2900 сўмга етди. Доллар мавзусида қизиқарли тест ҳам бор, текшириб кўринг — валютангиз сўмми ёки Скруж Макдакмисиз?

2. Ким Чен Ин: КХДР энди Жанубий Корея ва АҚШга зарба беришга тайёр. Аввалроқ Жанубий Корея мудофаа вазирлиги Пхеньян томонидан сув ости кемалари баллистик ракетаси синови ўтказилганини тахмин қилиб, уни муваффақиятсиз деб баҳолаган эди

3. Эрдўғон 1915 йилда ҳалок бўлган арманларнинг қариндошларига ҳамдардлик изҳор этди. Президент мактубида айтилишича, Туркия Усмонлилар империясидаги арманлар қайғусини бўлишиб, уларнинг хотирасини қадрлайдиган мамлакатдир.

4. BBC «Боинг»нинг Донбассдаги ҳалокати бўйича махфий версиялар ҳақидаги фильмни намойиш этади. The Daily Mail хабарига кўра, дастурда самолёт «Бук» ракетаси томонидан уриб туширилгани ҳақидаги расмий версиялардан фарқли бўлган гувоҳлар кўрсатмалари мавжудлиги ҳақида айтилади.

5. Facebook’даги гуруҳда қорақалпоғистонлик имконияти чекланган йигитга аравача олиб бериш учун 4 млн сўм тўпланди. «Ислом гуруҳимиз аъзоси, лекин у мендан шу кўринишда пост қолдиришни илтимос қилгани йўқ. У буни билмади ҳам, мен эса Исломни танимайман», — дея ёзган Сардор Маҳкамов гуруҳда.