Эквадорда 16 апрель куни юз берган 7,8 магнитудали зилзиладан сўнг яна 714 та такрорий ер силкиниши қайд этилди. Бу ҳақда мамлакат Геофизика институти раҳбари Марио Руиснинг маълумотига таяниб, «ТАСС» хабар беради.
Охирги суткалардаги энг кучли ер силкинишининг кучи 5,2 магнитудани ташкил этди.
Эквадорда 1979 йилдан буён энг кучли зилзила шимоли-ғарбий Манаби провинциясининг Педерналес шаҳри ҳудудида юз берди. Охирги расмий маълумотларга кўра, табиий офат оқибатида 602 киши ҳалок бўлди, 12,5 мингга яқин одам жабрланди. Мамлакатга етказилган моддий зарар миллиардлаб долларга баҳоланмоқда.
Бир қатор давлатлар, жумладан, Боливия, Колумбия, Куба, Мексика ва Россия Эквадорга қутқарувчилар ва гуманитар ёрдам юборди.
Изоҳ (0)