Япония вазирлар маҳкамаси бош котиби Йосихидэ Суга АҚШ президенти Барак Обаманинг G7 саммитидан сўнг Хиросимага ташриф буюришига тайёргарлик кўрилаётгани ҳақидаги хабарларни инкор этди. Бу ҳақда «Интерфакс» маълум қилди.
«Япония ва АҚШ президент Обаманинг Хиросимага ташрифини ташкиллаштираётгани ҳақидаги маълумотлар ҳақиқатга тўғри келмайди. АҚШ томони қандай қарорга келиши тўғрисида изоҳ беришдан эса тийилган бўлардим», — дея таъкидлаган Суга.
Эслатиб ўтамиз, Япониянинг Nikkei нашри Америка ҳукуматидаги манбага таяниб, Обама Японияда май ойининг охирида бўлиб ўтадиган G7 саммитидан кейин Хиросимадаги ядро бомбардимони қурбонлари хотира мажмуасига ташриф буюриши ҳақида хабар берганди.
Изоҳ (0)